YESS PHARMA, si lider në tregun e pajisjeve dhe aparaturave mjekësore në Kosovë, është e përkushtuar të ofrojë produkte dhe shërbime të cilësisë së lartë dhe me ndikim të reduktuar mjedisor, në përputhje me kërkesat ligjore, standardet ndërkombëtare dhe pritjet e klientëve e palëve të interesit.
Filozofia jonë e menaxhimit është e mbështetur në qasjen ndaj procesit, të menduarit bazuar në rrezik dhe përmirësimin e vazhdueshëm, duke siguruar një sistem efikas dhe të qëndrueshëm që ndikon pozitivisht në shëndetin publik, mjedisin dhe zhvillimin teknologjik.
Objektivat tona strategjike përmes kësaj politike janë:
- Të përmbushim dhe tejkalojmë pritjet e klientëve përmes shpërndarjes së sigurt dhe efikase të pajisjeve mjekësore dhe ofrimit të shërbimeve pas-shitjes me standarde të larta;
- Të garantojmë përputhshmëri me të gjitha kërkesat ligjore dhe rregullatore, duke ndjekur me rigorozitet kërkesat e AKPM, Ministrisë së Shëndetësisë, autoriteteve doganore dhe të tjera;
- Të mbrojmë mjedisin përmes identifikimit dhe vlerësimit të aspekteve mjedisore, reduktimit të mbetjeve, konsumit të energjisë dhe ndikimeve të tjera negative, zbatimit të masave parandaluese dhe planeve emergjente për mbrojtjen e mjedisit dhe komunitetit;
- Të ndërtojmë një kulturë organizative të bazuar në kompetencë dhe përfshirje, ku çdo punonjës është i vetëdijshëm për rolin e tij në cilësi dhe mjedis dhe mbështetet me trajnime të vazhdueshme;
- Të forcojmë performancën e sistemit të integruar të menaxhimit (QMS + EMS) përmes analizës së rregullt të të dhënave, indikatorëve, auditimeve, rishikimeve të menaxhimit dhe menaxhimit të rreziqeve dhe mundësive;
- Të angazhojmë partnerët tanë të jashtëm (furnitorë, kontraktorë, palë të treta) në përputhje me vlerat tona të cilësisë, përputhshmërisë dhe qëndrueshmërisë.